Transcription
1
Monsieur, depuis la dernière que vous ay escript, i’an ay resu
2
une de vous du VIIe de ce moys, ansamble une de monsieur
3
d’Evènes qui est du IIIe. A ce que ie vois, il ne sera si tost de
4
par desa comme j’esperois, dont ie suis marry pour l’anvie
5
que j’ay de le voir et mon nepveu ausy. Seluy qui
6
est isy se porte fort bien, Dieu mersy ; ie le vis tout
7
hier qui estoit dimanche, cheux monsieur d’Hourches.
8
Ie suis tous les iours atandant l’isue que prendra
9
mon fait de Dieppe ; si ne peut-il plus guière tarder
10
et crois que dans dix ou douze iours, i’an saray ce qui
11
en doit estre et si ie an suis prouveu, il m’y faudra
12
aller au plus tost, dont ie n’espère partir de quelques
13
mois ; quant aus afères de Flandres, il me samble que
14
nous n’en pouvons espérer autre chose que la guerre. Ie
15
crains bien fort que par dela n’aiés bien des afères, ie
16
dis la Prouvance, Piémont et Daufiné. Ie voudrois bien
17
savoir quel parti tiendra monsieur de Savoye. Voilà que
18
de nostre malleur que ne pouvons vivre deux anées
19
antières sans la guerre. I’escrips à monsieur d’Evènes, le
20
pansant à présent près de vous et pour ce coup n’escrips
21
point en Prouvance. Si ie pars bien tost d’isy, ie vous
22
écripray davant ; quant à ce que vous mandoit mon nepveu, le
23
capitaine Lacoste, que ma iambe s’estoit rouverte, ce n’estoit pas
24
à la plaie, s’estoit sus l’os de la iambe au mistan du moulé
25
qui n’y avoit foulle. Ie me suis jusques isy bien porté et
26
espère en Dieu que il me continuera, si luy plait, auquel
27
ie prie qu’il vous doint,
28
Monsieur, en santé, très heureuse, bonne et longue,
29
me recommandant très humblement à vostre bonne grâce, de mada-
30
me de Gordes et du surplus de vostre compaignie. A Paris, le
31
XVI juing 1572.
32
vostre très humble etrès obéisant frère
33
à iamais
34
De simiane
35
36